Маляваць Іван Піліпавіч пачаў прыкладна з 9 гадоў, малюе ён ўсім, што прыдатна, за матэрыял бярэ нават кветкі.

​

Графіку Івана Піліпавіча адносяць да інсітнага (ад. лац. інсітус - прыроднае, самабытнае) мастацтва Беларусі. Яго творы пазнавальныя самабытнасцю мастацкага стылю.  

Пра што творчасць вядомага разьбяра?

​

Пра чалавечае жыццё, пра яго сэнс. Шлях ад дзяцінства да старасці, пра вечныя каштоўнасці, барацьбу дабра і зла, сучасныя праблемы. Іван Піліпавіч адлюстроўвае багацце свайго ўнутранага свету і праз прызму свайго светапогляду распавядае нам пра побыт палешука. Пра мясцовыя традыцыі і іх трансфармацыю, пра ўзаемадзеянне чалавека і прыроды, пра законы жывёльнага свету ды проста пра жыццё. Некаторыя гісторыі можна праслухаць у аўдыё. 

Да майстра едуць не проста, каб паглядзець музей ці паслухаць экскурсію. Да яго едуць, бо ён мудры чалавек, які прыцягвае да сябе праз досвед і творчасць.

У апошнія гады часцей звяртаецца да алоўкаў і пэндзля, з'явіліся серыі графічных твораў, прысвечаных беларускім абрадам і традыцыям.